推荐预测:巴塞争盃细危

发布时间: 2021-01-17 09:52 作者: 老道看球 文章字数:579字 阅读时间:2分钟

摘要:巴塞争盃细危毕尔包新帅有料到今晚喺塞维利亚举行嘅西超盃决赛,由巴塞隆拿激斗毕尔包。虽然月头交手巴塞赢波,但都係靠美斯单天保至尊,呢位队长唔够弗,对进攻影响甚大,毕尔包上仗能够淘汰皇马,证明新帅马些连奴...

巴塞争盃细危

毕尔包新帅有料到

今晚喺塞维利亚举行嘅西超盃决赛,由巴塞隆拿激斗毕尔包。虽然月头交手巴塞赢波,但都係靠美斯单天保至尊,呢位队长唔够弗,对进攻影响甚大,毕尔包上仗能够淘汰皇马,证明新帅马些连奴有料到,佢哋近年碰头都係一球起、两球止,决赛场合随时更加保守,中位数2.5球嘅细盘有分头,值得捧场。

巴塞踏入2021年,联赛3连胜仲要全部喺客场,美斯入4粒兼交出1次助攻,绝对係极速反弹嘅关键。不过呢位队长大腿有伤,错过日前西超盃4强对皇家苏斯达嘅赛事,巴塞嘅火力即刻弱咗,尤其係之前略有起色嘅基沙文,难得做主角却频频失机,去到互射12码仲宴客添,若非钢门达史特根勇救险球,法定时间未必顶得住1比1,更遑论靠互射12码晋级。一句讲晒,巴塞冇美斯,进攻走晒样,就算佢今场顶硬上,赶及复出亦未必够弗,唔好睇得巴塞咁高。

过分倚赖美斯数胡

另边厢,毕尔包新一年搵咗马些连奴接手,呢位西甲老江湖经验丰富,虽然首仗就喺联赛输畀巴塞2比3,但嗰场唔係美斯省两粒亦未必输,跟住上仗就係西超盃4强对皇马,凭老将鲁尔加西亚梅开二度,以2比1勇挫上届盟主「银河舰队」,认真唔讲得笑。

马些连奴之前执教华伦西亚,就喺2019年西盃决赛击败巴塞,协助「蝙蝠兵团」事隔11年再捧西盃,绝非泛泛之辈。翻查纪录,双方近8次交手,有7次开2球或以下,加上决赛场合难免踢得小心谨慎,捧入球细最划算。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://m.jrssports.com/news/detail/15735